ناقص حتة 2

نيجى بقى للفنان اللى واحشنى حاجاته الحلوة من زمان واللى أنا مش عارف بيعمل فى نفسه كدة لية بالنسبة لحاجات كتير

2- يمكن اضحك: خالد عجاج** الأغنية واللحن والأحساس والأكورديون وأمكانية التعبير والأداء كل دول بيقولوا أن دة مقاس عجاج بالضبط . تعدد الحالات والأختيارات يمكن افرح يمكن اضحك يمكن اطلع من اللى انا فيه يمكن احلم يمكن اغيًر يمكن اقول اللى مخبيه . ستة حالات وستة احتمالات نتسول المشاركة الأيجابية من الأخر ليساعدنا فى الوصول لأحداها . ليه بقى الكلام دة مناسب لخالد ؟ عشان صوته شعبى حزنان بطبعه .صوت سواق الأتوبيس وبتاع العيش والجرايد والصنايعى واى واحد و واحدة ماشيين بيسعوا على رزقهم و مصالحهم.الأغنية دى شكوى واحتياج كلنا بنمر بية وخالد ليه حاجات كتير سابقة تشبه كدة يعنى الأغنية تشبهه وخصوصاً لما تقلب فرايحى راقص بسرعة وتخلص الحالة برضة بسرعة يمكن اصحى واقول بالبلدى واقول بالفصحى . بس وجيه فى أدائه لكلمة( مفيش) موصًلش المعنى مضبوط يعنى انا تعبت لغاية ما وصلت لأن قصده(لا..ابدآ.. مفيش حاجة) يعنى شارد.فى حين المعنى اللى وصللى انه( خلاص مفيش معايا زغزغة تانى) متهيألى كان مفروض يعمل سكتة يغير فيها حالة صوته . يا ريت يا خالد نسمع التحفة دى بصوتك وادائك وشخصيتك وبصمتك وده هيفيدك كتير عشان بقالك فترة متخبط وبتهمل مكان ومكانة وصلتلهم بتعب وعمر مش شوية....!!! هستناك بالأغنية دى ذى ما بستنى كل الحاجات اللى مبتجيش

أقضي ما تبقي لي من عمر أمام التقويم غير عابىء بنوعه أو أنتمائه فقط أشاهد تساقط أيامي..ورقة..ورقة.أنزعها في أيقاع رتيب ممل.وفجأه تهب شرارة من اي شىء.من العدم؛ من سيجارتي؛من المدفأه.فلا شيء يهم.لكنها هبت أصابت تقويمي وأحرقت أيامي ألهبت جزء من حياتي الرتيبة و أحترقت بعض الأوراق,بعض العمر.ربما تلذذت ببريق الحريق فهو كسر لملل وروتين ما يسمي بالحياة.كم أحرقت؟لا أعرف ولكنها أحرقت.من أي يوم وإلي أى يوم أحرقت؟لا أعرف ولكنها أحرقت.وقبل أن ادرك شعوري هل أنا معجب بلون النار؟ ام أعاني صهدها علي روحي؟ او أنها أنارت عتمة أيامي؟ ام عشقت دفئها الذي سري في قلبي المتجمد؟...سقط المطر فجأة وئد الحريق وخبأت جذوة النار.لابأس سأعيد جمع الرماد وأسقط كل يوم بعضه.لعلي أسقط كل يوم.. يوما.لكن كما أشتعلت النار فجأة وهطل المطر فجأة فقد أتت الرياح فجأة لتذهب بالرماد بعيداً بعيداً فلا يبقي لي ما أسقطه ولا أحياه ولا أحسبه.لم يبقي إلا الغد الممل .أما ما فات فقد فات ذهب تاركاً لي الحيرة.؟؟؟ تٌري لو كان بأمكاني أشعال النار بأرادتي أو أطفائها برغبتي ماذا سيكون شعوري؟ وهل سأشعر بروعة الحريق السابق؟ ام كانت روعته في مفاجأته؟

هل لي من حريق مفاجيء؟؟؟؟؟؟؟؟؟؟؟؟؟؟؟؟؟؟؟؟؟

وجية عزيز

ناقص حتة

أقول اية علي تحفة المبدع الرائع المميز المتفرد الجميل الفنان الصادق وجيه عزيز مهما قلت هيفضل تعبيري ناقص حتة .خالد كساب قال عليه العزيز وجيه و وليد طاهر رسم عينيه بتنقط نغم و ورد .المفروض الشريط ده يتدرَس للناس دة حطنى فى حالة مزاجية زى أيام (كوكب تانى و أنا كنت عيدك) وجاتلى فكرة نظرآ لروعة الأغانى اية المانع أنها تتغنى تانى بأقطاب الغنا فمصر.نعمل حالة جديدة علينا من التعاون والتبادل بين النجوم زى ما الملك منير بيعمل فى حفلاته(يغنى أغانى غيره ) نفتح باب ومجال جديد وأكيد هينجح وهيسعدنا وهيضيف مش هينقص من حجم كل نجم دة غير أنة يبقى مثال لتعاون وتكاتف فئة مؤثرة جدا فى المجتمع وأحنا من زمان محتاجين لمثل زى كدة محتاجين حاجة نتلم حواليها ونتفق عليها محتاجين حاجة تجمعنا وتكسر حالة (النفسنة) والأنعزال بيننا . سبق وعملها على الحجار ومحمد الحلو وكانت تحفة.عارف أن الفكرة شبه مستحيلة بس لو أتحققت جزئيآ حتى هترجعنا نملا وداننا وروحنا بصوت الحلو وأيمان البحر وفؤاد وعجاج ومدحت وغيرهم.أنا هفرق أغانى الشريط على حسب رؤيتى وآدينى بخرف

من حقنا نحلم..نحلم بس وخلاص..ونقوم الصبح عادى نقابل نفس الناس.من حقنا نحلم..نحلم حتى فسكات..ونشوف حاجات حاجات,,مثلآ

1ـ حاجات ومحتاجات:مع الشهادة لوجيه وجيهان بالأجادة والأبداع.الأغنية دى منير وحنان ماضى من زمان المفروض يتقابلوا صوت النيل وصوت البحر وتتصور الأغنية فى اللسان اللى بيتقابل فيه النيل بالبحر بتصوير محترف فنان يظهر روعة المعجزة دى.نيجى بقى للأغنية نفسها دى المفروض تبقى طقس ثابت فى المناسبات المفرحة بدل العنب والأسفاف لو عملناها حلو نقدر نعود الناس عليها مش عايز أقول نفرضها بس هو كدة نعلم الناس تفرح وترقص على حاجة راقية ولها معنى يبقى لازم واحدة ترقص حلو جدآ فى الأغنية من غير ماتكون مثيرة بس رقصها مجرم ومتصور كامل بدون تقطيع ولا زغللة .واللحن راقص جدآ ويساعد جدآ.لية بقى الرقص ضرورى عشان كل واحدة بتحب الرقص تغير وتطلع أحسن ما عندها على نغمات جميلة ومعانى أجمل تقوم الأغنية تعلم مع الناس.كل دة يتوقف على الميديا ودى مش بأديا الفكرة كلها محتاجة لأن كتير يآمنوا بيها آمال هنتلم آزاى.نيجى بقى للملك وحنان لازم يمثلوا يعنى يتدربوا كأنة فيلم عشان ينجح الكليب لأن الأغنية كلها حوار بينهم.مفتكرش حد ينفع فى الأغنية دى بالذات غيرهم طبعآ غير الأصل اللى له كل الفضل فى خلق الجمال دة.شكرآ وجيه عزيز و جيهان مغاورى.

**نكمل بعدين توزيع الأغانى**